సహకార స్ఫూర్తికి
నిదర్శనం

Previous Next

ప్రజాస్వామ్యయుతంగా సభ్యుల చేతిలో నియంత్రణ

సహకార సంఘాలనేవి సభ్యుల ఆధ్వర్యంలో నడిచే ప్రజాస్వామ్యబద్ధమైన సంస్థలు. విధానాలను రూపొందించడంలోనూ, నిర్ణయాలను తీసుకోవడంలోనూ ఈ సభ్యులు క్రియాశీలకంగా పాలుపంచుకుంటారు. ప్రతినిధులుగా ఎన్నికైన పురుషులు, మహిళలు తమ సభ్యత్వానికి జవాబుదారీతనంతో వ్యవహరించాల్సి ఉంటుంది. ప్రాథమిక సహకార సంఘాల్లో సభ్యులందరికీ సమాన వోటింగ్ హక్కులు (ఒక సభ్యుడికి, ఒక ఓటు) ఉంటాయి. మిగతా స్థాయుల్లోని సహకార సంఘాలు కూడా ప్రజాస్వామ్యబద్ధంగా నిర్వహించబడుతుంటాయి.

Previous Next

విద్య, శిక్షణ & సమాచారం

సహకార సంఘాలు తమ సభ్యులు, ఎన్నికైన ప్రతినిధులు, మేనేజర్లు, ఉద్యోగులకు విద్య, శిక్షణ కల్పిస్తాయి. తద్వారా వారు సహకార సంఘం అభివృద్ధికి సమర్ధమంతంగా తోడ్పాటు అందించగలరు. వారు సామాన్య ప్రజానీకానికి – ముఖ్యంగా యువతకు, నిర్ణయాత్మకంగా వ్యవహరించే నాయకులకు – సహకార విధానం స్వభావం, ప్రయోజనాలపై అవగాహన కల్పిస్తారు.

Previous Next

సహకార సంఘాల మధ్య పరస్పర సహకారం

సహకార సంఘాలు తమ సభ్యులకు సమర్థమంతంగా సేవలు అందిస్తాయి. అలాగే స్థానిక, జాతీయ, ప్రాంతీయ, అంతర్జాతీయ స్థాయిలో పరస్పరం సహకరించుకోవడం ద్వారా సహకార ఉద్యమాన్ని మరింత పటిష్టం చేస్తాయి.

Previous Next

సభ్యుల ఆర్థిక భాగస్వామ్యం

సభ్యులు తమ సహకార సంఘం పరిపుష్టికి సమానంగా తోడ్పాటు అందించడంతో పాటు ప్రజాస్వామ్యయుతంగా మూలధనాన్ని కూడా నిర్వహిస్తుంటారు. సాధారణంగా సభ్యత్వం తీసుకున్నందుకు గాను, వారు ఇచ్చిన చందా ప్రాతిపదికన, సభ్యులకు పరిమిత స్థాయిలో పరిహారం (అటువంటిది ఏదైనా ఉంటే) లభిస్తుంది. మిగులు నిధులను సభ్యులు ఈ కింది వాటిలో ఏదేని ఒక దానికి లేదా అన్నింటికీ కూడా కేటాయించవచ్చు: పంచుకునే ప్రస్తావన లేకుండా కొంత భాగాన్ని రిజర్వుగా ఏర్పాటు చేసుకుని తమ సహకార సంఘాన్ని అభివృద్ధి చేసుకోవడం; సహకార సంఘంలో ఆయా సభ్యులు జరిపే లావాదేవీల ప్రాతిపదికన వారికి ప్రయోజనాలు చేకూర్చడం; సభ్యులు ఆమోదించిన కార్యకలాపాలకు తోడ్పాటు అందించడం.

Previous Next

స్వయం ప్రతిపత్తి & స్వాతంత్ర్యం

సహకార సంఘాలు స్వతంత్ర ప్రతిపత్తితో, స్వయం సహాయక సంఘాలుగా ఉంటాయి. సభ్యులే వీటిని నడిపిస్తుంటారు. ప్రభుత్వాలతో సహా ఏ ఇతర సంస్థలతోనైనా అవి ఒప్పందాలు కుదుర్చుకున్నా లేక బైటి వనరుల నుంచి పెట్టుబడులను సమకూర్చుకున్నా, అవి తమ సభ్యుల ప్రజాస్వామ్య బద్ధమైన నియంత్రణలకు లోబడే చేయాల్సి ఉంటుంది. తమ సహకార సంఘ స్వయం ప్రతిపత్తిని కాపాడుకునే విధంగా వ్యవహరించాలి.

Previous Next

తమ వర్గాల పట్ల బాధ్యత

సభ్యులు ఆమోదించిన విధానాల ద్వారా తమ తమ వర్గాలు నిలకడగా అభివృద్ధి చెందేందుకు సహకార సంఘాలు కృషి చేస్తాయి.